БМТ Хавфсизлик кенгаши Грузия ҳудудига ҳарбий самолётлар ракета отгани масалани ўрганиш учун қўшимча маълумот талаб қилди.

Хавфсизлик кенгаши раиси Паскаль Гаяманинг айтишича, кенгаш аъзолари мазкур можарога оид қўшимча, жумладан, ЕХҲТнинг воқеа юзасидан ўтказган текшируви хулосасини кутишга қарор қилган.

Расмий Тбилиси Россиянинг икки ҳарбий самолёти Грузия ҳаво ҳудудларига кириб ракета отганини иддао қилмоқда. Россия эса бу иддаоларни кескин рад этиб, Грузияни ёлғончиликда айблаётир.