АҚШнинг Ироқдаги қўмондонлиги Муқтадо ас-Садрнинг Маҳдий армияси фаолиятини олти ойгача тўхтатиш қарорини олқишлади.

Ҳарбийлар баёнотида айтилишича, радикал шиа уламосининг 29 августдаги бу қарори жиноятчиликни камайтириб, этник зўравонликлардан тарқоқлашган ироқликларни бирлаштиришга ёрдам беради.

Баёнотда ас-Садр қарори коалиция ва ҳукумат кучларининг мамлакатдаги “Ал-Қоида” жангариларига қарши амалиётлари кўлами кенгайишига туртки бўлиши таъкидланган.