Яқин орада Ироқ қўшинлари Басра шаҳри назоратини тўла ўз қўлига олиши кутиляпти.
Буюк Британия бош вазири Гордон Браун базанинг Ироқ ҳукумат кучларига топширилишини олқишлади. Унинг таъкидича, бу инглиз ҳарбийларининг жанговар ҳаракатлардан чекиниб, Ироқ кучларини ўқитиш ва хавфсизликни таъминлашга бўлган иштиёқини акс эттиради.
Г.Браун вазият талаб қилса, Буюк Британия ҳарбийлари ҳаракатга киришишга ҳамиша тайёр эканини билдирди.