АҚШ Ироқдаги дипломатлари ва расмийларига Бағдоднинг “яшил зонаси”дан ташқарида ҳаракатланишга тақиқ жорий этди.

Бағдодда АҚШнинг “Blackwater” хусусий хавфсизлик ширкати ходимлари иштирокида рўй берган отишмадан сўнг АҚШ ҳукумати шундай қарор қабул қилди.

Ироқ ҳукумати эса “Blackwater” ширкатига фаолият юритиш учун берилган рухсатномани бекор қилиб, тинч аҳоли вакилларини ўлдирган шахслар қонун олдида жавоб беришини талаб қилди.