Буюк Британия бош вазири ўз мамлакати халқаро терроризм ва экстремизмга қарши курашдаги фаол иштирокини давом эттиришини таъкидлади.

Лейбористлар партияси анжуманида нутқ сўзлаган Гордон Браун бу курашда ғалаба қозониш учун ҳарбий қудратнинг ўзи кифоя эмаслигини билдирди.

Буюк Британия ташқи сиёсатига тўхталган бош вазир АҚШ билан яқиндан ҳамкорлик қилиш ҳукуматнинг устивор йўналиши бўлиб қолишини айтди.