Эслатиб ўтамиз, Исроил Ғазо минтақасини қамал қилгандан сўнг у ердаги вазият кундан-кунга оғирлашиб бораётган эди.
Халқаро қизил хоч ташкилоти чегарадаги вазиятни тартибсиз, дея баҳолади.
Исроил ҳукумати эса бу шароитда Ғазога Мисрдан қурол-аслаҳа ва жангарилар ўтиши мумкинлигидан ташвиш билдирди.
“Бу ҳудудга Исроилнинг алоқаси йўқ. Ғазо-Миср чегара ҳудуди назоратини мисрликлар амалга оширади. Шундай экан, имзоланган ўзаро келишувларга мувофиқ, Миср ҳукумати чегара фаолиятини қайта тиклаши лозим. Биз уларнинг бу муаммони тез фурсатда ҳал этишини кутиб қоламиз”,- деди Исроил Ташқи ишлар вазирлиги матбуот котиби Арие Меркел.
Миср президенти Ҳусний Муборак эса мамлакат ҳарбийларига қуролсиз фаластинликларнинг Миср ҳудудига ўтиб, озиқ-овқат сотиб олишига тўсқинлик қилмасликка буйруқ берганини билдирди.