Май ойи бошида содир бўлган циклондан кейин Мьянмани бошқараётган ҳарбий хунта халқаро ҳамжамият томонидан жўнатилган гуманитар ёрдамларни мамлакатга киритмаган эди.
Сингапурда ўтаётган Осиё хавфсизлик анжуманида чиқиш қилган Роберт Гейтс: “Халқаро ҳамжамият чақириғига биз эмас, балки Мьянма ҳукумати кўр ва кар бўлиб ўтирди. Биз саъй-ҳаракат қилиб, табиий офатдан азият чеккан одамларга ёрдам бера олишимизни айтдик. Бироқ Мьянма ҳукумати қўл қовуштириб ўтирди”, – деди.
Мьянма режими маълумотига кўра, “Наргис” циклони оқибатида 78 минг одам нобуд бўлган, 56 минг киши бедарак йўқолган ва икки миллиондан ортиқ аҳоли бошпанасиз қолган.