Россиянинг Ингушетия республикасида ҳарбийлар карвонига уюштирилган ҳужумда икки аскар нобуд бўлди, беш нафари жароҳатланди.

Айни пайтда Ингушетия Ички ишлар вазирлиги матбуот котиби ҳарбийларга ҳужум уюштирилганини тасдиқлаб, талофотлар тўғрисидаги маълумотни ошкор қилмади.
Чеченистонга қўшни бўлган Ингушетияда сўнгги пайтда хавфсизлик кучларига қарши уюштирилаётган ҳужумларда исломий жангарилар айбланмоқда.