Эронда талабаларнинг “Бирлик” уюшмаси тарафдорларидан уч минг нафари Теҳрон университетида норозилик намойиши ўтказди.
Улар Эрон президенти Маҳмуд Аҳмадийнажодга қарши шиорлар айтдилар. Талабалар куни муносабати билан ўтказилган норозилик акцияси қатнашчилари бошқа талабалар ўзларига қўшилиши учун ҳаракат қилган пайтда университет дарвозаси шикастланди.
Либерал қарашдаги талабалар ва олимлар президент Аҳмадийнажоднинг ўзгача фикрловчиларга қарши курашини танқид қилмоқдалар.