Исроил бош вазири Эҳуд Олмерт Ғазо минтақасининг жанубий районларидан улоқтирилган ракеталарга қарши «номутаносиб жавоб" бўлишидан огоҳлантирди.
Ҳафтада бир марта вазирлар билан ўтказиладиган навбатдаги йиғилишда сўзлаган Олмерт : "Агар Хамас жангчилари ўт очишни тўхтатмаса, Исроил қарши ҳужум қилиш тўғрисидаги ваъдасини бажаради", деди.
Бугун Ғазо минтақасидан улоқтирилган 4 та ракета Исроил жанубига келиб тушди. Ҳозирча жабрланганлар йўқ.
Исроил қуролли кучларининг Хамасга қарши ҳарбий амалиёти 18 январ куни якунланган эди. Ўша вақтда эришилган сулҳ шартлари эса вақти-вақти билан бузилмоқда.