Атом энергияси халқаро агентлиги раҳбари Муҳаммад ал-Барадей АҚШ ва Эрон ўртасида Теҳрон ядровий дастурига оид тўғридан-тўғри мулоқот ўтказиш имкони туғилганини олқишлади.
“Вашингтон пост” нашрига берган интервьюсида ал-Барадей томонлар аллақачон шартларсиз, тўғридан-тўғри мулоқотга киришиши лозим эди, дея бундай мулоқотнинг анча кеч қолганини урғулади.
АҚШ президенти Барак Обама Эрон билан мулоқотлар бошлаш ниятини билдирган эди. Ўтган ҳафтада берган интервьюсида Обама: "Агар Теҳрон “тугилган муштумини ёзса”, Вашингтон дипломатик мулоқот учун қўлини чўзади", деган эди.