Жамоатчилик орасида ўтказилган сўров натижаларига кўра, Кнессетдаги ўринлар учун асосий рақобат собиқ бош вазир Бенжамин Нетаняҳу етакчилигидаги Ликуд партияси ва ташқи ишлар вазири Ципи Ливни етакчилигидаги Кадима партияси ўртасида бормоқда.
Исроил бўйлаб 9 мингта сайлов участкалари ташкил этилган. 5.3 миллион исроиллик бугунги сайловларда овоз бериш ҳуқуқига эга.
Сайлов участкаларидан бирида гапирган Бенжамин Нетаняҳу янги йўналиш тарафдори бўлган исроилликлар Ликуд партияси учун овоз беришига ишонч билдирди.
Фаластинликлар, жумладан, Исроилда истиқомат қилувчи арабларга нисбатан қаттиқўл сиёсат юритиш тарафдори бўлган ашаддий миллатчиларининг Yisrael Beitenu партиясининг ҳам Кнессетда етакчи партиялар сафидан жой олиши кутилмоқда.