Туркманистон президенти Қурбонқули Бердимуҳаммедов Байроқ куни муносабати билан 1000 га яқин маҳбусни авф этиш тўғрисидаги фармойишга имзо чекди.
“Нейтралный Туркменистан” нашри байрам арафасида озод этилиши кутилаётган 990 нафар маҳбуснинг исми-шарифини чоп этди.
Айни пайтда¸ Озодлик радиосининг туркман хизматига кўра, халқаро ташкилотлар озод этилишини талаб қилиб келаётган сиёсий маҳбуслар авф этилаётганлар рўйхатидан ўрин олмаган.