Тополанек мухолифат билан музокаралар ўтказишга тайёр

Ҳокимиятни тарк этаётган Чехия Бош вазири Мирек Тополанек муваққат ҳукумат тузиш учун сиёсий рақиблари билан музокара ўтказишга тайёрлигини билдирди.

Тополанек янги ҳукуматга етакчилик қилишга даъвогар эмаслигини айтди.

Пайшанба куни Тополанек етакчилигидаги учта партиядан ташкил топган коалицияга Чехия парламенти ишончсизлик билдирган эди.