Россия Мудофаа вазири Анатолий Сердюковга кўра, уч ҳафтадан буён бедарак йўқолган, деб тахмин қилинаётган ва россиялик денгизчилар бошқаруви остида бўлган "Arctic Sea" юк кемаси Ғарбий Африка қирғоқларидан топилган.
Сердюков 15 кишидан иборат экипаж аъзоси соғ-омон экани ва улар Россия ҳарбий кемасига олинганини маълум қилди.
"Arctic Sea" кемаси 28 июл куни дом - дараксиз йўқолган эди. Бундан бир оз аввал Болтиқ дегизида қуролланган номаълум шахсларнинг ушбу кемада рейд ўтказгани, бироқ кейинчалик кемани тарк этгани хабар қилинган эди.
