Нигерия пойтахти Абуджа шаҳрида исломий давлатларнинг Катта саккизлик саммити бўлиб ўтмоқда.
Мазкур саммитда Бангладеш, Миср, Индонезия, Эрон, Малайзия, Нигерия, Покистон ва Туркия етакчилари иштирок этмоқдалар. Ўзаро савдо-иқтисодий алоқалар ривожига оид масалалар ушбу саммит диққат-марказида бўлади.
Саммит арафасида Эроннинг Абуджа шаҳридаги элчихонасида чиқиш қилган Эрон президенти Маҳмуд Аҳмадийнажод АҚШ ҳукуматини бошқа давлатлар ички ишига аралашиш ва уларга босим ўтказишга уринаётганликда айблади.