Футбол бўйича Германия терма жамоаси Жанубий Африка республикасида давом этаётган Жаҳон чемпионатида учинчи ўринни қўлга киритди.
Шанба куни немис футболчилари Порт-Элизабет шаҳридаги стадионда уругвайлик футболчиларга қарши майдонга тушиб, уларни 3:2 ҳисобида мағлуб этди ҳамда Жаҳон чемпионатининг фахрли учинчи ўрнини эгаллади.
Бугун эса Жаҳон чемпионатининг финал баҳси бўлиб ўтади. Йоҳаннесбургдаги стадионда Испания футболчилари Нидерландия терма жамоаси билан ўзаро куч синашади.