Бугун Ўш шаҳар мэри Мелис Мирзақматовга қарашли экани айтиладиган “Улуттар биримдиги” партиясининг 1500 чоғли тарафдори Ўш шаҳридаги марказий майдонга йиғилди.
Йиғилганлар 4 март куни ўтказилган шаҳар кенгашига сайлов натижаларини бекор қилиш ва “Улуттар биримдиги” партиясига кенгашдаги 21 эмас¸ 23 ўринни беришни талаб қилмоқдалар.
Ўш шаҳар ҳудудий сайлов комиссияси хулосасига кўра¸ “Улуттар биримдиги” партияси шаҳар кенгашидаги 21 ўринни қўлга киритган ва мутлақ кўпчилик партияси мандатига эга бўла олмаган.
4 март куни Ўшда ўтказилган маҳаллий сайловларда¸ расмий ҳисоб-китобларга кўра¸ “Улуттар биримдиги” партияси 47 фоиздан кўпроқ, Қирғизистон социал-демократик партияси қарийб 24 фоиз, “Республика” партияси 17 фоиздан кўпроқ, “Адилетту Қирғизстан” партияси 5 фоиздан зиёд, “Ата Мекен” партияси эса 2 фоиздан мўлроқ овоз олган.
Маҳаллий қонунчиликка кўра, Ўш мэрини сайлаш ваколати шаҳар кенгаши депутатларига берилган ва ўз тарафдорлари кенгашдаги мутлақ кўпчилик мақомини қўлга киритмаган тақдирда¸ Мирзақматов шаҳар мэри лавозимига сайланмай қолиши мумкин.
Ўзининг қирғиз миллатчиси эканини очиқ таъкидлайдиган Мирзақматов¸ Қирғизистон жанубида 2010 йил июнида юзага чиққан миллий низо ташаббусчиларидан бири сифатида кўрилади.
Йиғилганлар 4 март куни ўтказилган шаҳар кенгашига сайлов натижаларини бекор қилиш ва “Улуттар биримдиги” партиясига кенгашдаги 21 эмас¸ 23 ўринни беришни талаб қилмоқдалар.
Ўш шаҳар ҳудудий сайлов комиссияси хулосасига кўра¸ “Улуттар биримдиги” партияси шаҳар кенгашидаги 21 ўринни қўлга киритган ва мутлақ кўпчилик партияси мандатига эга бўла олмаган.
4 март куни Ўшда ўтказилган маҳаллий сайловларда¸ расмий ҳисоб-китобларга кўра¸ “Улуттар биримдиги” партияси 47 фоиздан кўпроқ, Қирғизистон социал-демократик партияси қарийб 24 фоиз, “Республика” партияси 17 фоиздан кўпроқ, “Адилетту Қирғизстан” партияси 5 фоиздан зиёд, “Ата Мекен” партияси эса 2 фоиздан мўлроқ овоз олган.
Маҳаллий қонунчиликка кўра, Ўш мэрини сайлаш ваколати шаҳар кенгаши депутатларига берилган ва ўз тарафдорлари кенгашдаги мутлақ кўпчилик мақомини қўлга киритмаган тақдирда¸ Мирзақматов шаҳар мэри лавозимига сайланмай қолиши мумкин.
Ўзининг қирғиз миллатчиси эканини очиқ таъкидлайдиган Мирзақматов¸ Қирғизистон жанубида 2010 йил июнида юзага чиққан миллий низо ташаббусчиларидан бири сифатида кўрилади.