Пайшанба куни Москванинг Кудринский майдонида тўпланган бир неча юз мухолифатчи бундан кейинги ҳаракат тактикасини муҳокама қилди¸ Пресненский туман маҳаллий кенгашидаги мухолифат депутатлари эса¸ бу тадбирларга маданий фестивал мақомини беришга уриниб кўрдилар.
Мухолифатнинг "ОккупайБаррикадная" лагери Москванинг Пресненский райони ҳудудида узоқ муддатга ўринлашиши мумкин.
Район маҳаллий кенгашидаги мухолифатчилар 17 май куни "ОккупайБаррикадная" йиғинларига 1 сенябрга қадар “Озодлик ëзи” фестивали мақомини бериши масаласини кенгаш йиғини кун тартибига қўйишни режалаштирган эдилар.
Аммо Москвадаги Озодлик мухбирининг хабар қилишича¸ бу уриниш йўққа чиқарилган.
Мухолифатчи депутатлар ташаббусига қаршилик кўрсатаëтган Пресненский район маориф бўлими мудири Елена Денисова¸ бу масала кун тартибига қўйилиши арафасида¸ “Тез ëрдам” хизмати лозим даражада бетоб бўлиб қолган. Шундан сўнг мажлис тарқаб¸ бу масалани муҳокамага қўйиш учун лозим депутатлар кворумини тўплаш имкони бўлмаган.
Айни пайтда¸ кейинги хабарларга кўра¸ мухолифат “Озодлик ëзи” фестивали ўтказиш учун сўраëтган Тверской булвари¸ маҳаллий расмийлар қарори билан¸ узоқ муддатлик таъмирга ëпилиши мумкин.
Район ҳудудида оммавий маданий тадбир ўтказишга рухсат бериш маҳаллий кенгаш ваколатида бўлиб¸ бунинг учун шаҳар мэрияси рухсати талаб қилинмайди.
Пресненский район маҳаллий кенгашининг 15 депутатидан 11 нафари мухолифат партиялари вакили ва улар айнан шундай ташаббус билан ўртага чиқдилар. Аммо Москва ҳуқуқ-тартибот идоралари маҳаллий кенгашларнинг бундай масалада мустақил қарор бериш ваколатини савол остига олмоқда.
Чоршанба куни полиция гуруҳлари мухолифат фаолларини Абай майдонидан тарқатиб юборди¸ 30 га яқин фаолни ҳибсга олди. Улар орасида Солидарност гуруҳи раҳбари Иля Яшин ҳам бор.
Кун давомида мухолифат тарафдорлари сони 2000га яқинлашди ва улар орасида Глеб Павловский¸ Олга Романова¸ Ксения Собчак ва Иван Стариковлар бор эди.
- Ҳозир бу ерда бўлишнинг ўзи¸ менимча муҳим. Бундан кейин нима бўлади¸ нима режалар қилинади¸ буниси секин-аста ойдинлашади¸ деди мухолифат тарафдорлари ичида бўлган тележурналист Ксения Собчак.
Айни пайтда¸ 6-8 май кунлари ўтказилган “халқ сайли” фаолларидан бири¸ машҳур блоггер ва Роспил - Коррупцияга қарши кураш жамғармаси асосчиси Алексей Навальний 15 кунлик қамоқда қолмоқда.
Район маҳаллий кенгашидаги мухолифатчилар 17 май куни "ОккупайБаррикадная" йиғинларига 1 сенябрга қадар “Озодлик ëзи” фестивали мақомини бериши масаласини кенгаш йиғини кун тартибига қўйишни режалаштирган эдилар.
Аммо Москвадаги Озодлик мухбирининг хабар қилишича¸ бу уриниш йўққа чиқарилган.
Мухолифатчи депутатлар ташаббусига қаршилик кўрсатаëтган Пресненский район маориф бўлими мудири Елена Денисова¸ бу масала кун тартибига қўйилиши арафасида¸ “Тез ëрдам” хизмати лозим даражада бетоб бўлиб қолган. Шундан сўнг мажлис тарқаб¸ бу масалани муҳокамага қўйиш учун лозим депутатлар кворумини тўплаш имкони бўлмаган.
Айни пайтда¸ кейинги хабарларга кўра¸ мухолифат “Озодлик ëзи” фестивали ўтказиш учун сўраëтган Тверской булвари¸ маҳаллий расмийлар қарори билан¸ узоқ муддатлик таъмирга ëпилиши мумкин.
Район ҳудудида оммавий маданий тадбир ўтказишга рухсат бериш маҳаллий кенгаш ваколатида бўлиб¸ бунинг учун шаҳар мэрияси рухсати талаб қилинмайди.
Пресненский район маҳаллий кенгашининг 15 депутатидан 11 нафари мухолифат партиялари вакили ва улар айнан шундай ташаббус билан ўртага чиқдилар. Аммо Москва ҳуқуқ-тартибот идоралари маҳаллий кенгашларнинг бундай масалада мустақил қарор бериш ваколатини савол остига олмоқда.
Чоршанба куни полиция гуруҳлари мухолифат фаолларини Абай майдонидан тарқатиб юборди¸ 30 га яқин фаолни ҳибсга олди. Улар орасида Солидарност гуруҳи раҳбари Иля Яшин ҳам бор.
Кун давомида мухолифат тарафдорлари сони 2000га яқинлашди ва улар орасида Глеб Павловский¸ Олга Романова¸ Ксения Собчак ва Иван Стариковлар бор эди.
- Ҳозир бу ерда бўлишнинг ўзи¸ менимча муҳим. Бундан кейин нима бўлади¸ нима режалар қилинади¸ буниси секин-аста ойдинлашади¸ деди мухолифат тарафдорлари ичида бўлган тележурналист Ксения Собчак.
Айни пайтда¸ 6-8 май кунлари ўтказилган “халқ сайли” фаолларидан бири¸ машҳур блоггер ва Роспил - Коррупцияга қарши кураш жамғармаси асосчиси Алексей Навальний 15 кунлик қамоқда қолмоқда.
Браузерингиз HTML5 ни қўллаб- қувватламайди