2003-2011 йиллар давомида Ўзбекистон адлия идоралари томонидан хорижий сармоядорлар ва улар иштирокидаги корхоналардан тушган 4600 дан ошиқ мурожаат қонунда кўзда тутилган тартибда кўриб чиқилди¸ деб баëнот берди Ўзбекистон Адлия вазири ўринбосари Анвар Усмонов маҳаллий матбуотга.
Вазирлик расмийсига кўра¸ бундай корхоналар манфаатларини ҳимоя қилиш мақсадида судларга 10 мингдан ошиқ ариза берилган ва сармоядорлар ҳисобига 152,4 миллиард сўм (78,9 миллион доллар) ундириб берилган.
Бу жараëнда¸ Усмоновнинг айтишича¸ 1250 нафар амалдор шахс маъмурий жавобгарликка тортилган¸ 61 нафар амалдор ўз вазифасидан бўшатилган.
Адлия тизимлари аралашуви билан 2625 тадбиркорлик субъектининг ўз фаолиятини қайта тиклаши ҳақида хулосага келинди¸ ҳозирга келиб улардан 680 таси ўз фаолиятини тиклади¸ деди Адлия вазири расмийси.
Расмий маълумотларга кўра¸ ҳозирда Ўзбекистонда хориж сармояси иштирокида тузилган 4200 корхона фаолият юргизмоқда.
Айни пайтда¸ Ўзбекистон иқтисодига сармоя олиб кириб¸ куйиб қолган хориж ширкатлари сони ҳам ошиб бормоқда.
Ҳозирда Ўзбекистонга бир неча юз миллион долларлик капитал олиб кирган камида беш хориж ширкати Тошкент ҳукумати устидан Халқаро арбитраж судига ариза киритган.