Қирғизистон пойтахти Бишкекда милиция офицерига ҳужум қилган Хитойнинг 16 фуқароси қўлга олинди.
Бишкек милициясининг билдиришича, қўлга олинганларга нисбатан безорилик, давлат амалдорига ҳужум қилиш, хусусий мулкка зиён етказиш каби айбловлар билдирилмоқда.
Хитойлик мардикорлар милиция ходимига 30 сентябр куни Бишкек марказида ужум қилган. Хабарларда айтилишича, хитойликлар ҳужум пайтида маст аҳволда бўлган.