Польшада Освенцимдаги нацистлар лагери ўрнида бунёд этилмиш хотира мажмуасида асирлар концлагердан озод этилишининг 70 йиллигига бағишланган тадбир бўлиб ўтди.
Унда Освенцимнинг омон қолган бир неча юз асири ҳамда жаҳон лидерлари иштирок этди.
27 январь Холокост қурбонлари хотираси куни сифатида нишонланади, Освенцим эса нацистлар Германияси томонидан уюштирилган қатлиомнинг яққол тимсоли бўлиб ҳисобланади. Бу қатлиом 6 миллион чоғли яҳудий, лўли ва совет кишиларининг ҳамда бошқа миллат вакилларининг ёстиғини қуритган.