Покистон ҳукумати ўтган йили Пешовардаги мактабга ҳужум қилган толиблардан 12 нафари қўлга олингани тўғрисида маълум қилди.
Расмий хабарда айтилишича, Покистон ва Афғонистон махсус хизматларининг қўшма амалиёти натижасида толибоннинг 6 аъзоси Афғонистонда, яна 6 нафари эса Покистонда қўлга олинган.
Покистон расмийлари толибоннинг 27 кишидан иборат бўлган мазкур гуруҳи аъзоларидан 9 нафари ўлдирилганини билдирган.
Ўтган йилнинг 16 декабрида Пешовар шаҳридаги полиция мактабига толибон томонидан қилинган ҳужумда 151 одам, асосан болалар ҳалок бўлган эди.