Ўшда Суриядаги урушда қатнашиб келган 11 одам тергов қилинмоқда. Қирғизистон Ички ишлар вазирлигининг билдиришича, улар “жангариликка ёлланганликда” айбланаётир.
Ички ишлар вазирлиги Ўш вилоятидан Сурияга кетганлар сони 190 киши экани аниқланганини расман маълум қилди. Бундан ташқари Ўш вилоятида диний экстремитсик ҳаракатларга аъзоликда гумонланган 472 одам милиция рўйхатига олинган.
Ички ишлар вазирлигининг 16 апрелда тарқатган маълумотида билдирилишича, Қирғизистондан Сурияга кетиб жанг қилаётганлар сони 339 одамни ташкил қилади.