Беларус раҳбари Александр Лукашенко Европада Иккинчи жаҳон уруши тугаганининг 70 йиллиги муносабати билан ўтказилажак тадбирларда қатнашиш учун 7-8 май кунлари Москвага сафар қилади.
Лекин, жаноб Лукашенко 9 май куни Москвада бўладиган Ғалаба парадига бормаслигини айтди.
Беларус Москванинг азалий иттифоқчиси бўлиб келган. Лекин, Минск ҳукумати Россиянинг Украина бўйича сиёсатини танқид қилиб келади.
Аксар ғарб давлатлари етакчилари 9 май куни Россияга бормасликларини билдирган.
Айни пайтда Москва парадига Шимолий Корея етакчиси Ким Чен Ин, Хитой Президенти Си Цзипин ва Монголия Президенти Цахиагийн Элбэгдорж келиши эълон қилинган.