Қрим татар Мажлиси аъзоси, қрим татар халқи ҳуқуқини ҳимоя қилиш қўмитаси мувофиқлаштирувчиси Эскендер Бариев Қримда қрим татарларга тегишли бўлган тижорат объектларига номаълум шахслар томонидан ўт қўйилаётганини иддао қилмоқда.
Бу ҳақда у ўзининг Facebook саҳифасида маълумот берган.
Унга кўра, сўнгги бир неча кун ичида Рибачье ва Алуштада 7 тижорат объекти: меҳмонхона, “Ай Петри”, “Уют” кафелари, савдо павильони, савдо шаҳобчалари ва 4 автомашинага ўт қўйилган.
Айни пайтда "Крим.Реалии" нашри бу ҳақда ҳуқуқ-тартибот тузилмаларига ҳеч ким шикоят қилмаганини билдирган.
Ўтган дам олиш кунлари Қрим мусулмонлари диний идораси Боғчасарой туманидаги Скалистое қишлоғида номаъум шахслар масжидга “Молотов коктейллари” отганини маълум қилган эди.