Россия Федерация кенгаши “исталмаган ташкилотлар”га оид қонун лойиҳасини тасдиқлади. Куни-кеча учинчи ўқишда Давлат Думаси қабул қилган қонун президент Путин имзо қўйган кундан бошлаб кучга киради.
Янги қонунга кўра¸ Россия конституциявий тузуми¸ унинг мудофаа иқтидори ва хавфсизлигига таҳлика деб кўрилган ҳар қандай хорижий¸ халқаро ëки ноҳукумат гуруҳи исталмаган ташкилот деб таснифланиши мумкин.
Халқаро ташкилотларнинг айнан қайси ҳатти-ҳаракати исталмаган деган тамға босилишига сабаб бўлиши ҳақида қонунда ойдинлик киритилмаган. Қайси хориж ëки халқаро ташкилотни бундай рўйхатга киритиш масаласини¸ қонунга кўра¸ Бош прокуратура ва Ташқи ишлар вазирлиги келишилган ҳолда ҳал қилади.
Amnesty International ва Human Rights Watch ташкилоти мазкур қонун лойиҳасини танқид қилиб келмоқда.