АҚШ вице президенти Жо Байден Қўшма Штатлар Россия билан ўзаро манфаатли бўлган соҳаларда ҳамкорлик қилишда давом этиши шартлиги тўғрисида баёнот берди.
Байден 27 май куни Ваишнгтондаги Брукингс институтида қилган чиқиши чоғида “Кремль билан террорчиликка қарши кураш, Эрон ядровий дастурини чеклаш борасидаги битимларга эришиш йўналишида ҳамкорлик қилиш асосан биз учун манфаатлидир”, деб билдирди.
Байден Путин ҳақида гапирар экан “Агар унинг бутун карьераси давомида қилган ҳаракатларига назар солсангиз, у амалиётчи йигит экани аниқлашади”, деб айтган.
АҚШ вице президенти сўзи давомида Путинни Украинанинг Қрим мухтор ўлкасини Россия таркибига қўшиб олганини танқид қилди ва бунинг ортидан “Россия Европа хавфсизлиги ландшафтини ўзгартириб юборди”, деб билдирди.