Украина шарқида россияпараст исёнчилар Донецк вилоятининг Дзержинск шаҳрини ўққа тутмоқда.
УНН агентлигининг маҳаллий аҳоли вакилларига таяниб хабар беришича, айирмачилар Горловка шаҳридан туриб ҳужум қилмоқда.
Шанба куни кечқурун эса айримачилар Луганск вилоятининг Счастье шаҳрига ҳужум қилган.
Хабарларга қараганда, ҳужумларда айримачилар Минск келишими билан тақиқланган оғир қуроллардан фойдаланмоқда. Ҳозирча томонларнинг йўқотишлари ҳақида маълумотлар йўқ.