“Исломий давлат” гуруҳи жангарилари 1 ноябрь куни Суриянинг Хомс вилоятидаги Маҳин шаҳрини эгаллади.
Британиядаги Сурия инсон ҳуқуқлари обсерваториясининг билдиришича, Маҳин шаҳри учун ҳукумат кучлари ва жанггарилар ўртасида қақшатқич жанглар борган. Отишмаларда камида 50 аскар ўлгани айтилди. 1 ноябрь куни асосан насронийлар яшайдиган Садад шаҳрида ҳам “Исломий давлат”га қарши жанглар борган.
Жанггариларнинг “Ал Баён” радиоси тарқатган хабарда айтилишича, Исломий давлат Маҳинда катта миқдордаги қуролларни қўлга киритган.