Остона шаҳар суди фундаментал диний секта аъзоси бўлган 54 яшар Иқилас Қабдуақасовни етти йиллик уй қамоғи ва 500 доллар жарима билан жазолади.
Қабдуақасов мамлакатда диний нифоқ қўзғашда айбдор, деб топилди.
9 ноябрь куни маҳкамага олиб келинган маҳкум ўзига қўйилган айбловларни тан олмади. Судда иштирок этган гувоҳлар эса у 2014 ва 2015 йилларда қилган маърузаларида мусулмонлар ҳамда Ислом пайғамбари Муҳаммад алайҳиссаломни ҳақорат қилган, деб гувоҳлик берди.
Иқилас Қабдуақасов шу йилнинг август ойида ҳибсга олинган эди.