АҚШ ва Россия расмийлари “Исломий давлат” террор гуруҳи фаолиятига нисбатан молиявий босимни кучайтиришга қаратилган БМТ Хавфсизлик Кенгаши резолюцияси устида ишламоқда.
АҚШ молиявий разведка тизими расмийси Адам Зубинга кўра¸ резолюция 2001 йил 11 сентябрь воқеаларидан кейин Ал-Қоидани нишонга олган модел асосида ИШИД террорчиларини молиялаштиришни тўлиғича жиноийлаштиришни кўзда тутади.
АҚШ расмийси таъкидича¸ Сурия ва Ироқнинг аксар ҳудудини назорат қилаëтган ИШИД бир йилда биргина нефт ва газ савдосидан 400 миллион доллар даромад кўрмоқда.
Россия ҳукуматининг ИШИД нефтини арзон баҳода асосан Туркия сотиб олмоқда¸ деган иддоаларига ҳам тўхталган Зубин¸ Анқара ҳукуматининг бундай савдога аралашганини кўрсатувчи бирор далил кўрмаганини билдирди.