Кобул аэропорти яқинидаги бинога ҳужум учун масъулиятни Толибон ҳаракати ўз зиммасига олди. 4 январь куни содир этилган худкуш ҳужум чоғида камида бир киши нобуд бўлган, 30 чоғли одам, шу жумладан, 9 нафар бола яраланган.
Ҳужум ҳадафи шартнома асосида ишлайдиган хорижлик техник ходимлар учун қурилмиш турар-жой мажмуаси бўлгани айтилмоқда.
Полиция маълумотига кўра, портлаш ичига портловчи моддалар тўлдирилган юк машинаси мажмуа дарвозасига келиб урилиши натижасида содир бўлган.