Bloomberg агентлиги Microsoft ширкати раҳбари Билл Гейтсни яна дунёнинг энг бой одами, деб топди. Унинг сарвати 78,7 миллиард долларга баҳоланган.
Иккинчи ўринда бораётган Inditex ширкати асосчиси Амансио Ортега 69,3 миллиард долларлик, учинчи ўринни эгаллаган сармоячи Уоррен Баффет эса 59,6 миллиард долларлик бойликка эгалик қилади.
Facebook ижтимоий тармоғи асосчиси Марк Цукерберг бу йил сайёрадаги энг бадавлат одамлар орасида тўртинчи ўринга чиқиб олди. Бойлиги 50 миллиард долларга етган Цукерберг жаҳон бойларнинг ўтган йилги рейтингида 6-ўринни эгаллаганди.