МДҲ давлатларида террорчилик бўйича жиноят содир этганлик айблови билан жами 4262 нафар одам қидирувга берилган.
Бу ҳақда маълум қилган МДҲ террорчиликка қарши марказ бошлиғи Андрей Новиковга кўра, жорий йилда кибертерроризмга қарши кураш бўйича МДҲ давлатлари махсус хизматлари иштирокида кенг кўламли машғулотлар ўтказиш режаланган.
Новиков тилга олган рақамнинг қанча қисми Ўзбекистонга тегишли экани номаълум.
Бош қароргоҳи Нью-Йоркда жойлашган The Soufan Group тадқиқот маркази ҳисоб-китобича, бугунги кунда биргина ИШИД сафида 500 ўзбекистонлик бор.