Қозоғистон президенти Нурсултон Назарбоев болалар ҳақларини ҳимоя қилишга оид қонунчиликка ўзгартиш ва тўлдиришлар киритиш жараëнининг узвий қисми сифатида баччабозликда айбланган шахсларни кимëвий бичиш ҳақидаги қонунга қўл қўйди.
Қозоғистон Жиноят-ижро кодексига ўзгартиш киритишни кўзда тутувчи мазкур қонун март ойида парламент томонидан тасдиқланди ва президент имзо чеккан 21 апрелдан бошлаб кучга кирди.
Қозоқ депутатлари берган изоҳга кўра¸ кимëвий бичиш жарроҳлик амалиëтини кўзда тутмайди. Бу амалиëт давомида суд томонидан педофил деб топилган шахснинг жинсий истакларини муайян муддатга йўқ қиладиган укол қилинади.
Қонунга кўра¸ кимëвий бичиш ҳақидаги ҳукм фақат маҳкама қарори асосида врачлар томонидан амалга оширилади.