Россиянинг Восточний космодромидан 28 апрелда "Союз-2.1а" ракетасида фазога олиб чиқилган космик сунъий йўлдош алоқага чиқмади.
ТАСС ахборот агентлиги билан суҳбатда Россиянинг ракета саноатидаги манбаSamSat-218 сунъий йўлдоши иш режимига ўтмаган бўлиши мумкинлигини тахмин қилди. Айтилишича, тегишли муассасалар сунъий йўлдош билан алоқа ўрнатиш уринишларини тўхтатиб, уни йўқолган, деган қарорга келиши мумкин.
"Союз-2.1а" ракетаси фазога яна иккита йўлдош олиб чиққан.
Ракетани учиришга дастлабки уриниш 27 апрелда амалга оширилган эди. Бироқ старт берилишига бир ярим дақиқа қолганда аппаратда носозлик аниқланиб, парвоз бекор қилинган эди.