Арманистон Мудофаа вазирлиги ўз чегара масканлари Озарбайжон тарафидан ўққа тутилганини билдирди.
Вазирлик баёнотида айтилишича, 7 майга ўтар кечаси чегаранинг шимол-шарқий қисми Озарбайжон томонидан ҳужумга тутилган, 82 миллиметр калибрдаги қуроллар ишлатилган.
Озарбайжон томонидан ҳозирча Ереван ҳукумати баёнотига муносабат бўлмади.
Тоғли Қорабоғда отишмалар 2 апрелда бошланган ва уч кун ўтиб томонлар ўт очишни тўхтатишга келишишганди.
Қуролли тўқнашувлар оқибатида ўнлаб одам нобуд бўлгани билдирилган.