Тошкентдаги Coca-Cola заводи май оҳиридан фаолиятини қайта бошлайди.
Завод мулозимларидан бирининг Озодликка айтишича, 25 май кунидан завод тўлиқ қувват билан ишлаши кутилмоқда.
Coca-Cola Ichimligi Uzbekiston, LTD ширкатининг Бектемирда жойлашган мегазаводи ва бошқа цехларида Coca-Cola ичимлиги ишлаб чиқариш тўхтаб қолган.
Натижада, бозорларда ичимлик нархи ошди ва пештахталардан қарийб ғойиб бўлган эди.
Завод мулозими профилактика сабаб завод тўхтаганини билдирган.