АҚШ президентлигига Демократик партиядан номзод Ҳиллари Клинтон Республикачилар партиясидан бўлган рақиби Дональд Трампни “эҳтиросли бўлгани учун ҳам президентликка нолойиқ”, деб ҳисоблашини айтди.
2 июнда Калифорниянинг Сан Диего шаҳрида сўзлаган Клинтон Трампнинг халқаро сиёсат бўйича таклифлари “хавфли даражада бир-бири билан боғланмаганини” айтиб, миллиардер номзодни “Америка ёки дунёни тушунмайдиган одам” сифатида талқин қилди. Клинтонга кўра, “Трамп ядровий кодларни билишга лойиқ одам эмас”.
Клинтон ўзи АҚШнинг дунёдаги етакчи ролини қўллаб-қувватлашга қаратилгани “ақлли ва принципиал ташқи сиёсат”ни таклиф қилаётганини айтиб, “Агар Дональд Трамп ғалаба қилса, унда Кремлда байрам қиладилар. Биз бундай бўлишига йўл қўймаслигимиз керак”, деб билдирди.