Бугун мусулмонлар яшаётган кўп ўлкаларда мўминлар Ҳайит намозига йиғилди.
Бир қанча давлатлардаги муфтиятлар Рамазон ойи 4 июлда тугаши, 5 июль куни эса Ҳайит намози ўқилиши ҳақида фатво чиқарган. Хусусан, Марказий Осиёнинг Қозоғистон ва Қирғизистон мамлакатларида “Ийдул-Фитр” бугун нишонланмоқда.
Ўзбекистонда эса Рамазон ҳайити қўшни Тожикистон ва Туркманистонда бўлгани каби 6 июль куни нишонланиши кутилмоқда.
Ўзбекистонда “Ийдул-Фитр” чоршанбага белгиланганига қарамай, Россия ва Қозоғистонда меҳнат муҳожиротига юрган минглаб ўзбекистонликлар Ҳайит намозини бугун адо этдилар.