Чоршанба куни Британия Бош вазири лавозимида иш бошлаган Тереза Мэй Лондон шаҳрининг собиқ ҳокими Борис Жонсонни мамлакат янги Ташқи ишлар вазири этиб тайинлади.
Жонсон Буюк Британиянинг ЕИда қолиш-қолмаслиги борасида ўтган ой ўтказилган референдумда чиқиш ғоясини ҳимоя қилган етакчи сиëсатчилардан биридир.
Айни пайтда¸ Борис Жонсоннинг янги вазифада ЕИ билан чиқиш масаласидаги музокаралардаги ролининг чекланган бўлиши айтилмоқда.
Хабарларга кўра¸ янги бош вазир фақат Буюк Британиянинг ЕИ дан чиқиши билан шуғулланувчи махсус вазир лавозимини таъсис этмоқчи.