Ўзбекистон Марказий сайлов комиссияси 15 сентябрь куни ўтган йиғилишда президентлик сайловларини ўтказиш учун сайлов округларини ташкил этиш тўғрисида қарор қабул қилди.
Марказий Сайлов комиссияси қарорига кўра, Қорақолпоғистон Республикаси, Тошкент шаҳри ва вилоятларда жами 14 та округ сайлов комиссяси ташкил этилади.
Сайлов округлари рўйхати, округ доирасидаги сайловчилар сони ва округ сайлов комиссияларининг манзили тўғрисидаги маълумотлар маҳаллий нашрларда эълон қилинади.
Ўзбекистонда президентлик сайловини ўтказиш 4 декабрга белгиланган.