Ўзбекистонда биринчи президент Ислом Каримов ҳайкалини яратиш бўйича халқаро ижодий танлов ўтказилади.
Ўзбекистоннинг сайланган президенти Шавкат Мирзиёев 2 декабрь куни бу борадаги махсус қарорни имзолагани матбуотда 6 декбарь куни хабар қилинди.
Қарорда ҳайкални яратш учун Ўзбекистон Бадиий академиясининг буюртмаларига асосан хориждан олиб кирилаётган юклар бож тўловларидан озод қилиниши айтилади.
Ўзбекистон Ташқи ишлар вазирлиги эса танловда қатнашмоқчи бўлган хорижликларга кириш визаларини консуллик ва бошқа йиғимларни ундирмасдан расмийлаштиради.
Шунингдек, қарорда танловда иштирок этмоқчи бўлган хорижликларнинг юклари "Ўзбекистон ҳаво йўллари" томонидан тўловларсиз амалга оширилиши белгилаб қўйилди.