20 январь куни АҚШ президенти сифатида қасамëд қиладиган Дональд Трамп АҚШ разведка жамоасини яна кескин танқид қилди.
Twitter саҳифасидаги янги ëзишмаларида 2016 йилги президентлик сайловларига Россиянинг дахл қилганига оид иддаолар юзасидан белгиланган разведка брифинги 6 январга қолдирилгани билдирган Трамп разведка сўзини қўштирноққа олди.
“Афтидан¸ бу ишни қуришга кўпроқ вақт керак. Жуда ғалати”¸ деб ëзди АҚШнинг янги сайланган президенти 3 январь кунги твитларида.
Айни пайтда¸ АҚШ разведка расмийлари брифингнинг режаланган вақтидан кечиктирилмаганини билдирди. АҚШ разведка мутасаддилари Россия 2016 йилги президент сайловларида Демократик партия номзоди Ҳиллари Клинтон ва унинг кампаниясига қарши киберҳужумлар уюштирганига ишонмоқда. Уларга кўра¸ Россия ҳукумати уюштирган ҳакерлик ҳужумлари оқибатида қўлга киритилган ички маълумотлар WikiLeaks ва бошқа нашрлар орқали Трамп ғалабасига ëрдам бериш мақсадида эълон қилинган.
3 январь куни эълон қилинган интерьвюсида WikiLeaks асосчиси Жулиан Ассанжўз сайти эълон қилган Демократик партия ички электрон ëзишмаларининг Россия ҳукумати томонидан тақдим этилганини инкор қилди.
- Манбамиз Россия ҳукумати эмас. Бизнинг у ëки бу давлат идоралари билан ҳамкорлигимиз йўқ. Бундай айбловни илгари сураëтган Оқ уй Трампни нолегитим президент сифатида кўрсатишга уринмоқда¸ деди 3 январь куни АҚШнинг Fox News телеканали намойиш қилган интервьюсида Ассанж жумладан.