Эрон Туркиянинг Суриядаги ўт очишни тўхтатиш келишувини ҳукумат кучлари бузмоқда, деган айбловини “ноконструктив”, деб атаб, келишувни суриялик исёнчилар бузаётгани тўғрисида баёнот берди.
“Ўт очишни тўхтатиш режими бир неча бор Суриядаги қуролли мухолифат кучлари томонидан бузилди”, - деб баёнот берди Эрон ташқи ишлар вазирлиги матбуот котиби Баҳром Қосимий 5 январда.
Қосимий Туркияни ҳақиқатга зид баёнотлар қилишдан тийилишга чақириб, бундай айбловлар аксинча Суриядаги вазиятни янада мурккаблаштиражаги тўғрисида огоҳлантирди.
Бир кун олдин Туркия ташқи ишлар вазири Мавлуд Човушўғли Эронни ўт очишни тўхтатиш режимига риоя қилиши учун Сурияга босим ўтказишга чақирган эди.
29 декабрда Россия ва Туркия ўртамчилигида Сурияда ўқ отишни тўхтатиш битми кучга кирган эди.
29 декабрь куни маҳаллий вақт билан ярим тунда кучга кирган битим сентябрдаги икки ҳафталик оташкесимдан сўнг эълон қилинган иккинчи умуммиллий сулҳ бўлганди.
Мазкур баёнот Сурия ҳукумат кучлари мухолифатнинг асосий таянч нуқтаси бўлиб турган Ҳалаб шаҳрини тўла эгаллаганидан ва қуролли исёнчилар шаҳардан чекинганидан сўнг эълон қилинди. Қуролли мухолифат Ҳалабни 2012 йилда эгаллаб олган эди.