16 январ тонгида содир бўлган авиаҳалокат туфайли Бишкекдаги “Манас” аэропортида тўхтатиб қўйилган парвозлар қайта тикланди.
Аэропорт матбуот хизматига кўра, эрталабдан тўхтатилган парвозлар соат 13:30 дабошлаб амалга оширила бошлади.
16 январь тонгида Қирғизистон пойтахтидаги “Манас” аэропорти яқинида Туркияга қарашли Боинг-747 юк ташувчи учоғи қулаб тушди.
Қирғизистон Фавқулодда вазиятлар вазирлиги вакиллари Боинг-747 учоғи об-ҳаво шароити ёмон бўлгани (қуюқ туман тушгани) туфайли ҳалокатга учраганини билдирганлар.
Мазкур учоқ 16 январь тонгида Гонконгдан учиб келгани, қўнаётган пайтда аэропорт яқинидаги Дача қишлоғига қулаб тушиб, ёниб кетгани айтилмоқда. Хабарларга кўра, учоқ Бишкекка ёқилғи қуйиш учун қўнмоқчи бўлган.
Сўнгги маълумотларга кўра, авария чоғида ҳаммаси бўлиб 40 қа яқин киши, шу жумладан, учоқ қулаган қишлоқда 30 дан зиёд киши нобуд бўлган.