АҚШ президенти Дональд Трамп Вашингтонда ўзига қарши ўтказилган "Аёллар марши”ни қўллаб намойиш ўтказган дунёнинг турли мамлакатларидаги юз минглаб одамлар “ҳуқуқини ҳурмат қилиши”ни айтди.
“Тинч намойишлар демократиямизнинг ўзгача жиҳатларидан биридир. Мен нуқтаи назаримиз тўғри келмаган тақдирда ҳам, одамларнинг ўз фикрларини билдириш ҳуқуқини тан оламан”, деб ёзди Трамп 22 январь куни твиттерда.
Трамп 20 январь куни АҚШ президенти сифатида қасамёдга келтирилганидан сўнг Вашингтон ва бошқа шаҳарларда 1 миллиондан ортиқ одам норозлик намойишига чиққан эди.
Вашингтонда ўтказилган “Аёллар марши” намойишини қўллаб-қувватлаган митинглар жаҳоннинг кўплаб шаҳарларида ҳам бўлиб ўтди.