АҚШ президенти Дональд Трампнинг жорий йилга белгиланган Британия ташрифини бекор қилишга чақирувчи онлайн аризани 1 миллиондан ортиқ одам измолади.
Петиция парламентда кўриб чиқлиши учун 100 минг имзо тўплашини керак эди. “Би-Би-Си” тарқатган хабарга кўра, парламент аъзолари петицияни 31 январь куни кўриб чиқиши кутилмоқда.
Трамп 27 январь куни АҚШ муҳожирлар дастурини 120 кунга тўхтатиб қўювчи, суриялик қочқинларни номаълум муддатга четлатувчи ҳамда еттита мусулмон давлатдан келган одамларнинг АҚШга киришига 90 кунлик тўсиқ қўювчи фармон чиқариши ортидан онлайн арзни имзолаёганлар сони тез суръатда ўса бошлади.
Трампнинг фармони АҚШ бўйлаб ҳамда хориж мамлакатларида, жумладан, Британияда норозилик намойишларига сабаб бўлди.
Буюк Британия бош вазири Тереза Мэй яқинда АҚШга қилган давлат ташрифи давомида Трамп Британияга боришини эълон қилган эди.
“Би-Би-Си” хабарига кўра, Мэй идорасининг исми очиқланмаган расмийси ташрифни бекор қилиш “популистик қадам” бўлишини айтиб, бундай қилинмаслигини таъкидлаган.
“Америка йирик ва муҳим ҳамкоримиздир. Узоқ келажак ҳақида ҳам ўйлашимиз керак”, деган манба.