АҚШ ҳукумати мамлакатга “грин карата”га эга бўлган шахсларнинг киришига рухсат берди. Reuters агентлигига кўра, шу муносабат билан президент Трампнинг миграцияни чеклаш тўғрисидаги қарорига тегишли ўзгартишлар киритилган.
Трамп қарорида Эрон, Ироқ, Ливия, Сомали, Судан, Сурия ва Яман ватандоршларини мамлакатга киритиш 90 кунга, қочқинларни киритиш эса 120 кунга тақиқланган эди. Бу тақиқ “грин карта” эгаларига ҳам таалуқли бўлган.
Мазкур қарор АҚШ расмийлари ва аҳолисининг, шунингдек, жаҳон ҳамжамиятининг кескин норозилигига сабаб бўлди.
1 февраль куни БМТ Бош котиби Антонио Гутерриш ҳам Трамп қарорини танқид қилди.
"Бу қарор Қўшма Штатлар ёки бошқа бир давлатни террорчилар кириб келишидан ҳимоя қила олади деб ҳисобламайман. Бу ҳимоянинг самарали востаси эмас. Мен бу каби чоралар бекор қилиниши керак деб ўйлайман. Бу мен қилишим зарур бўлган чақириқ эди”, -деди Гутерриш.